Warner Bros po diskuton idenë e një spin-off të Harry Potter.
Warner Bros po diskuton idenë e një spin-off të Harry Potter.
Warner Bros është në fazat e para të planifikimit të një seriali live-action të Harry Potter. Kjo sipas një raportimi të fundit që sugjeron se ai është në fazat e para të zhvillimit në HBO Max.
Një serial i Harry Potter është përfolur prej vitesh, por kjo është hera e parë që dëgjojmë detaje për të. Thuhet se disa përfaqësues të Warner Bros janë duke kryer mbledhje me skenaristë të ndryshëm, që po hedhin ide për serialin.
Mos u emociononi akoma aq shumë, pasi deri më tani e gjithë situata duket shumë hipotetike. Është e rëndësishme të kemi parasysh se asgjë nuk është finalizuar akoma, nuk ka akoma asnjë skenarist dhe asnjë aktor që i është bashkuar projektit. Me pak fjalë është thjesht një ide që qarkullon.
Tetë filmat kryesore të Harry Potter kanë fituar një total prej $7 miliardë në box office dhe mund të themi me bindje se ato mbeten shumë të pëlqyer edhe sot e kësaj dite.
Pas përfundimit të serive kryesore të filmave, Warner Bros njoftoi planet për pesë fima spin-off, që i përksinin serive të Fantastic beasts. Dy prej tyre janë publikuar dhe i treti është momentalisht në xhirim e sipër.
Si një fanse e madhe e Harry Potter ideja e një seriali për të do të ishte mëse e mirëpritur për të gjithë fansat, por Warner Bros duhet të tregohet shumë i kujdesshëm që të ruajë të njejtat standarte për filmin.
Mbetet të presim dhe të shohim se çfarë do të vendosi kompania.