Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
HBO do të vazhdojë përpara me planet e saj për të krijuar një seri të bazuar në The Last of Us, me Craig Mazin nga Chernobyl, që do të shkruajë dhe do të jetë producenti ekzekutiv i serialit. Kjo sigurisht pranë Neil Druckmann, nga Naughty Dog, që ka qenë drejtori krijues i lojës.
Pak kohë më parë kishte fjalë se The Last of Us mund të kthehej në një film, por ai projekt kurrë nuk u aprovua. Përqasja në formën e një seriali nga ana tjetër tingëllon si një ide shumë më e mirë. Plus kanë futur Craig Mazin, që për këdo që e ka parë Chernobyl, tashmë e di se ky projekt do të jetë një sukses i garantuar.
Për ata që mund të mos e dinë, The Last of Us zhvillohet në një version post-apokaliptik të botës tonë. Një botë që është sulmuar nga virusi i Cordyceps, i cili merr trupat njerëzor dhe i kthen ata në mutantë të dhunshëm të ndjeshëm ndaj zhurmave. Historia zhvillohet rreth një kontrabandist të quajtur Joel që tenton të transportojë një vajzë të re të quajtur Ellie jashtë karantine, në një vend të sigurtë. Ellie mban çelësin e kurimit të virusit, ndaj mund ta kuptoni vetë se përse krijohet një dinamikë interesante këtu.
Si lojë, The Last of Us ka qenë një eksperiencë e mahnitshme emocionale dhe teknike. Naughty Dog ka bërë një punë shumë të mirë me të dhe kjo lojë ka realisht shumë potencial për tu adaptuar në një serial televiziv. Momentalisht detajet për kastin ose datën e publikimit mungojnë.
