Përvjetori i hekurt është më afër se kurrë. Besojeni ose jo, ky muaj shënon 10 vjetorin e debutimit të Game of Thrones në HBO. Episodi i parë i serialit që ka tërhequr vëmendjen e të gjithëve u lançua më 17 Prill 2011, dhe tani HBO feston tetë sezone suksesi. Të hënën në mëngjes, HBO njoftoi Përvjetorin e Hekurt, një festë njëmujore për ekzistencën e Game of Thrones prej një dekade. HBO ka filluar festimet ku në qendër të vëmendjes është Game of Thrones në shërbimin streaming HBO Max. Në përmbajtje të faqes ekskluzivisht për herë të parë në HBO Max do të përfshihen të gjitha llojet e informacioneve në lidhje me serialin duke përfshirë prapaskena, intervista të kastit, përmbledhje etj.
Duke filluar që nga data 10 prill (shënojeni këtë datë), HBO do të bëjë të mundur shikimin e cdo episodi të sezonit të parë me qëllimin për të sfiduar shikuesit që të rishohin serialin. Do të jesh ti një prej tyre? Krijuesit e kanë emërtuar këtë event si “MaraThrone”.
E gjithë kjo vëmendje nuk do të kalojë pa kauza bamirësie, pasi yjet e serialit do synojnë të marrin kontribute për kauza nga më të ndryshmet. Surprizat nuk kanë fund këtë 10-vjetor. HBO do të bashkëpunojë me disa kompani për të krijuar produkte në sasi të limituara.
Ju ftojmë të njiheni më disa nga produktet:
- Një vezë perandorake nga Fabergé, argjendari më ikonik në botë, i frymëzuar nga Daenerys Targaryen, dhe e bashkë-dizejnuar me Emmy Michele Clapton. Veza përfshin një kurorë miniaturë të krijuar nga Znj. Clapton, e cila përfaqëson kurorën që Daenerys do të kishte veshur po të kishte marrë Fronin e Hekurt.
- Mikkeller, kompania daneze e birrës artizanale ka nisur të prodhojë një sërë birrash të frymëzuara nga seriali. Tifozët mund të brohorasin me birrën e parë të quajtur “Përvjetori i Hekurt IPA”.
- Funko, lider i produkteve te kulturës pop njofton lancimin në treg të figurinave me teksturë hekuri të karaktereve të preferuara të Game of Thrones. Koleksionet vinyl dhe figurinat e reja të Arya Stark, Khal Drogo dhe shumë të tjerë mund ti porosisni më parë që ti keni tuajat sapo të jenë në gjendje. Ky po që është një lajm i mrekullueshëm.
- Koleksioni i plotë i Game of Thrones është i disponueshëm në 4K Ultra HD, Blu-ray, DVD dhe përmes shitjeve me pakicë. Seria e plotë është gjithashtu e disponueshme për t’u transmetuar në HBO Max.