Hawkeye do të vijë falas në Avengers pas lançimit të lojës

Marvel’s Avengers do të lançohet së shpejti, ndaj tani duket se po zbulohet paraprakisht se çfarë duhet të pritet nga loja. War Table i fundit që u mbajt ofroi shumë detaje mbi çfarë duhet pritur përpara betës së Avengers, plus një detaj që fansat mezi po e prisnin: Hawkeye do të jetë një personazh që mund të luhet.

Hawkeye do i bashkohet lojës pas lançimit dhe do të vijë me një set të ri misionesh, që mund të luhen solo ose co-op. Si me çdo kontent jo cosmetic që shtohet pas lançimit, Hawkeye do të vijë falas. Zhvilluesit do e quajnë periudhën pas lançimit Avengers Initiative dhe ajo do të përmbajë të gjitha update-et e endgame.

Zhvilluesit kanë thënë se Hawkeye: My Life As A Weapon nga Matt Fraction dhe David Aja, ka shërbyer si frymëzim kryesor për këndvështrimin e tyre ndaj personazhit. Shikoni trailerin e Hawkeye më poshtë:

Data e lançimit të lojës së Avengers do të jetë 4 shtatori. Le të shpresojmë që do ja vlejë barra qeranë.