Hartat e PUBG do të përmirësohen duke nisur nga Erangel

PUBG Corp konfirmon zërat se hartat e battle royale-s do të ndryshojnë

Pas konfirmimit se PUBG Corp do të përmirësojë hartat e battle royale duke nisur me Erangel, dataminer-s arritën të zbulonin pamjet e para të hartës në serverat e testimit dhe i postuan ato në Reddit. Sot, PUBG Corp konfirmoi se pamjet ishin të vërteta dhe pjesë e procesit të ridizajnit.

Në deklaratë thuhet se “ne po punojmë në mënyra të reja për të balancuar dhe për të përmirësuar hartat tona, duke nisur nga Erangel“. Distrikte të reja duket se janë pjesë e mundshme e këtyre ndryshimeve, por gjithashtu do të ketë dhe ndryshime në pamjen dhe strukturën e hartës. Ndryshimet pritet të testohen në javët e ardhshme, por ende nuk ka datë zyrtare.

Fotot tregojnë distrikte të reja të shpërndara nëpër hartë. Megjithatë, duhet thënë se ato nuk janë pritur shumë mirë nga komuniteti, të cilët duken të shqetësuar se Erangel mund të bëhet i ngjashëm me harta si Sanhok dhe Vikendi. PUBG Corp ka vendosur të komentojë dhe mbi këtë për të larguar frikën.

Ata thanë se “fotot e dala tregojnë zakonisht vetëm foto nga një periudhë kohore dhe rrallë herë paraqesin planin e plotë për të cilin po punohet“. Edhe pse kjo nuk do të thotë se këto ndryshime nuk do të jenë pjesë e ndryshimeve përfundimtare, të paktën tregon se ajo çfarë po shikojmë tani mund të ndryshojë.

Edhe pse nuk pati asnjë koment mbi vazhdimin e këtij procesi, ideja se Erangel do të jetë harta e parë tregon se Miramar dhe Sanhok mund të jenë gjitahshtu pjesë e këtyre ndryshimeve. Ka gjithashtu mundësi që të ndodhin ndryshime dhe për Vikendi, por do të qe surprizuese duke parë se harta është lançuar vetëm kohët e fundit.