Sado që Call of Duty e 2020s ende nuk është zbuluar, leakers kanë prezantuar mjaftueshëm informacione për disa nga hartat multiplayer që do të gjenden në lojë pas lançimit të saj.
Me Activision dhe Treyarch që vazhdojnë të mbeten të hedhur për CoD 2020, fansave ju është dashur të mbështeten në thashetheme dhe leaks, për të patur ndonjë farë ideje për lojën e ardhshme, edhe nëse shumica prej tyre do të rezultojnë të mos jenë të vërteta.
Leak-u më i fundit që doli në sipërfaqe trajtonte disa prej hartave multiplayer. The Gaming Revolution postoi një video në 28 maj që tregonte se katër harta old-school të Black Ops do të riktheheshin.
Këto janë Nuketown, Jungle, Summit dhe Firing Range. Të gjitha këto janë harta ikonike nga lojërat e hershme të Black Ops që thuajse çdo fans i CoD ka për t’i njohur, edhe nëse nuk i kanë luajtur kurrë.
Këto u raportuan fillimisht nga përdoruesi i Twitter @LongSensationYT, adresa e të cilit u pezullua së fundmi, duke e detyruar atë që ta postojë nga një faqe shtesë.
Nëse ky informacion do të rezultojë të jetë i vërtetë, nuk do të vinte si një shok i madh për publikun, duke konsideruar se të katërta hartat janë kyçe në seritë e Black Ops dhe janë shfaqur në disa lojëra të tjera në të shkuarën.
Nuketown, që doli fillimisht në BO1, është përfshirë në katër multiplayers të serive dhe nga të gjitha është ajo që ka më shumë gjasa të rikthehet në 2020s.
E njejta vlen edhe për Jungle, Summit dhe Firing Range, që gjithashtu erdhën fillimisht në BO1 dhe më pas u bënë remaster për BO3 dhe BO4.
Pyetja që lind tani është se si do të portretizohen këto harta në Black Ops: Cold War. Për shembull, Nukwtown deri më tani ka ardhur me tre tematika të ndryshme. Formën origjinale në Black Ops 1 dhe 2, një trajtë futuristike në BO3 dhe një tematikë e Luftës së Ftohtë në BO4, që sigurisht është kandidate për tu përdorur sërish në 2020.
Sa për tre hartat e tjera, versionet remaster të tyre ishin identike me origjinalet, por kjo nuk e pengon Treyarch që të vëjë ndryshimet e veta në to për në lojën e ardhshme.
Sigurisht që i gjithë ky informacion nuk është zyrtar dhe nuk duhet të konsiderohet si i tillë derisa të dali nga goja e Activision ose Treyarch. Gjithsesi dy leakerat e përmendur në këtë artikull kanë patur disa herë të drejtë në të shkuarën për informacionet që kanë bërë publike. Si me çdo leak, mbetet të presim dhe të shohim.