Seria lojërave të Forza nga Playground Games është një nga ekskluzivet e Xbox më të njohura që nga fillimi i saj, veçanërisht loja aktuale, Forza Horizon 4 që është ajo më e shitur në seri.
Thashethemet për lojërat e ardhshme filluan disa muaj më parë kur Jeff Grubb, një gazetar me reputacion deklaroi se ai pret një lojë tjetër Forza Horizon përkundër njoftimit të Forza Motorsport i cili do të dalë në treg këtë vit në Xbox Series S dhe X.
Tre screenshots i asaj që duket të jetë një hartë e paraqitur në Forza Horizon 5 dyshohet se kanë dalë në Reddit që tregon se loja mund të vendoset në Japoni.
Këto harta tregojnë rajonet Yokohama, Gunma, Fuji dhe Gunma, një zgjedhje interesante pasi këto zona kanë një larmi të gjerë terreni të përshtatshëm për automjete dhe stile të ndryshme loje. Sipas një përdoruesi të Reddit, këto pamje dyshohet se janë “marrë gjatë një konference për zhvillues në Janar 2020 ku zhvillues të shumtë ishin duke treguar detaje të reja rreth lojërave të tyre të ardhshme në Xbox”.
Në lajme të tjera, Forza Horizon 4 do të vijë në Steam, duke u bërë kështu loja e parë Forza që vjen në vitrinën më të madhe të PC. Ky mund të jetë një veprim i qëllimshëm nga Microsoft për të futur më shumë lojtarë në serinë Forza Horizon.