Një bug ka shkaktuar një vdekje shumë të çuditshme në lojë.
Një bug ka shkaktuar një vdekje shumë të çuditshme në lojë.
Balonat në Apex Legends të Respawn Entertainment mund të shihen shpesh si një mënyrë e mirë për të shmangur rrezikun, ose thjesht për tu transportuar nga ana tjetër e hartës. Gjithsesi, siç e zbuloi një lojtar i pafat, ato gjithashtu mund të shkaktojnë eleminimin tuaj.
Sezoni i 3 i Apex Legends që erdhi në 1 tetor solli shumë gjëra të reja në lojë. Duke nisur me një Legend të re në formën e Crypto, në implementimin e World’s Edge, lojtarët e battle royale-it FPS ju është dashur të përshtaten me goxha ndryshime.
Harta e re siç thamë ka sjellë shumë tipare të reja, por një lojtar arriti të eleminohej në një mënyrë shumë qesharake falë tyre. Lojtari SheGo808 ja doli deri në pikën ku kishin mbetur 31 lojtarë në hartë, duke kapur edhe 2 eleminime në rrugë e sipër.
Teksa po përpiqej të afrohej me skuadrën e tij, lojtari përdori një nga balonat aty pranë për një udhëtim të shpejtë. Fatkeqësisht ai nuk e dinte që kjo gjë do të sillte rezultate jo fort të kënaqshme.
Duke u ngritur pezull në ajër, lojtari lundroi në drejtimin e një strukture të çeliktë. Kur po ulej në të kupti që kishte ngecur. Ndërkohë sirena jashtë kufinjve kishte filluar të buçiste dhe pas 30 sekondash, ai u eleminua dhe u përjashtua nga ndeshja.
Teksa po shpjegonte se çfarë po ndodhte në atë klip, lojtari tha se: “po detyrohej që të rrinte aty.” Sipas tij dukej sikur mure të padukshme po e mbulonin të gjithë strukturën. “Në një pjesë mund të shihni se si po lëviz duar, duke u përpjekur të vrapoj drejt mesit, por nuk po më linte që të lëvizja.”
Ky duket si një bug që me shumë mundësi do të të bëhet patch në të ardhmen e afërt. Ky nuk është bug-u i parë që zbulohet në këtë update të ri, ndaj nuk besojmë se Respawn do të vonojë me një zgjidhje për problemin.