Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Hidhini një sy pamjes së parë të hartës së re të Apex Legends
Sezoni i tretë që do të vijë në Apex Legends do të shtojë një destinacion të ri të quajtur World’s Edge “ku llava e nxehtë dhe akulli kimik përplasen me njëra-tjetrën“.
Ndryshe nga King’s Canyon, që ka kryesisht shkretëtira dhe terren të shkretë, harta e re do të ketë shumë më shumë bioma për të eksploruar. World’s Edge luan me temperaturat ekstreme, duke pasur male të mbuluara me dëborë dhe formacione akullnajore në një krah dhe formacione magmatike dhe shkëmbinj të mëdhenj në anën tjetër. Midis tyre do të ketë fusha të gjelbra, duke i dhënë lojtarëve mundësi ta zgjedhin vetë terrenin ku do të luftojnë.
Nuk janë vetëm biomat ato që duhen përmendur për hartën e re të Apex Legends. World’s Edge ka një tren të lëvizshëm (me loot brenda tij), të cilit mund t’i hipësh për të shkuar nga një vend në tjetrin. Ka gjithashtu gejzer me avull që mund të përdoren për të kërcyer më lart dhe liqene të ngrirë ku mund të rrëshkasësh më shpejt.
Kjo është hera e parë që Respawn shton në lojë avantazhe në varësi të terrenit, që mund të përdoren vetëm në disa situata por padyshim janë të mikpritura. Edhe anija nga ku hidhesh ka ndryshuar, pasi mesa duket tani mund t’i shohësh lojtarët e tjerë përpara se të hidhesh. Të paktën këtë ide të jep trailer-i.
World’s Edge do të vijë në Apex Legends sapo sezoni i tretë të nisë javën tjetër. Respawn ende nuk na ka dhënë një pamje më të qartë të tij, por me vetëm pak ditë, nuk do t’iu duhet të prisni shumë për t’u hedhur në hartën e re dhe për ta eksploruar atë.
Përveç World’s Edge, Crypto, legjenda e re, do të vijë gjithashtu në Apex Legends. Ka kohë që hidhen shenja rreth tij si dikush që mund të futet në sistemet e survejimit. Sipas disa raportimeve ai mund të përdorë dronë dhe të krijojë një shpërthim që shkatërron kurthet dhe mburojat.
Sezoni i tretë i Apex Legends nis në 1 tetor. World’s Edge, Crypto dhe të tjera ndryshime do të vijnë në atë ditë, kur gjithashtu do të shpërndahen dhe shpërblimet e sezonit të kaluar.
