Vetëm dy javë pasi u shtua në lojë, Anubis mund ta gjejë veten në rotacionin kompetitiv të hartave, duke zëvendësuar ose Mirage ose Vertigo.
Anubis u shtua në CS:GO në fund të marsit, gjithsesi ka mundësi që të bëjë hyrjen në skenat e mëdha së shpejti. Thashethemet po qarkullojnë duke thënë se Anubis mund të zëvendësojë një nga hartat tashmë ekzistuese: Inferno, Train Mirage, Nuke, Overpass, Dust II dhe Vertigo.
Sipas ish pro-së së CS:GO, Arsenij ‘ceh9’ Trynozhenko, Anubis mund të vijë në Active Duty Map pool për punë javësh.
Kjo vjen pasi Anubis u zhvendos në ranked map pool, vetëm një javë pas ardhjes live në serverat zyrtarë. Chlorine, që u shtua në të njejtën kohë, mbetet e disponueshme vetëm në Scrimmage mode.
Valve ka sjellë një numër të caktuar update-esh në Anubis gjatë patcheve të fundit. Harta e bërë nga komuniteti kishte disa probleme me teksturat dhe ndriçimin, por ato janë rregulluar me kalimin e kohës.
Nëse Anubis vërtetë do të shtohet në active duty pool, kjo nënkupton lajme të këqia për një nga hartat që tashmë janë aty. Mendohes se ose Mirage ose Vertigo do të hapin vend për hartën e re.
Momentalisht të gjitha këto janë spekulime, ndaj le të mos i marrim menjëherë të mirëqena pa marrë një konfirmim nga Valve fillimisht.