Anthem do të lançohet së shpejti për PC dhe konsola dhe BioWare ka treguar shpesh copëza rreth lojës që paraqesin tiparet kryesore dhe mekanikat e saj. Harta e open world ende nuk është e plotë, por disa fansa kanë bashkuar së bashku disa pjesë të saj dhe kanë arritur në një përfundim të çuditshëm.
Harta e ndërtuar, e cila është publikuar në Reddit nga përdoruesi SkrillRKnight, nuk duket të jetë shumë e madhe, mbi të gjitha krahasuar me lojëra të tjera open world. Një tjetër përdorues llogariti se duhen mesatarisht vetëm 4 minuta për të fluturuar nga një cep i hartës te tjetri, duke ndjekur rrugën më të gjatë të mundshme.
Anthem do të lançohet për PC, PlayStation 4 dhe Xbox One në 22 shkurt.