Halo: Reach do të lançohet në beta këtë muaj në PC dhe Xbox One

Master Chief Collection do të rritet akoma më shumë këtë muaj

Halo: Reach do t’i bashkohet Halo: The Master Chief Collection në Xbox One dhe PC e tanimë Microsoft na ka dhënë dhe pamjet e para se si loja do të duket në menu. Ata shpërndanë një version ende të papërfunduar në menunë campaign të MCC në Xbox One. Loja ndodhet në të majtë të Halo: Combat Evolved, duke parë se është prequel-i i saj.

Halo: Reach pritet të vijë këtë muaj si në PC, ashtu edhe në Xbox One si një testim beta. Për t’u bërë pjesë e tij, duhet të regjistroheni për t’u bërë një Halo Insider, që mund t’a bëni këtu. Në PC, duhet të bëni upload DxDiag-un tuaj dhe të lidhni llogarinë tuaj në Steam.

Numri i njerëzve që janë regjistruar deri më tani “i tejkaloi pritshmëritë” e Microsoft sipas kompanisë, e cila gjithashtu lajmëroi se ata “nuk kanë vend për të gjithë“.

Në PC, secila prej lojërave në Halo: The Master Chief Collection do të shitet në veçanti, por beta-t janë falas, për sa kohë ju futeni në to. Siç nuk kishte ndodhur kurrë më parë me këtë seri, Halo: The Master Chief Collection do të mund të blihet nëpërmjet Steam.

Halo: The Master Chief Collection u lançua fillimisht për Xbox One në nëntor të 2014. Në fillim pati probleme të shumta me serverat, të cilat nuk i lejuan lojtarët t’a luanin lojën. Microsoft punoi për të përmirësuar lojën me kalimin e kohës dhe tani ajo është stabël dhe numëron një numër të shumtë lojtarësh, duke parë dhe përfshirjen e saj në Xbox Game Pass.