Tani mund ta shijoni Master Chief në next-gen
Tani mund ta shijoni Master Chief në next-gen
Pas disa teasers për javë të tëra, Microsoft zbuloi më në fund për herë të parë gjatë ditës së djeshme gameplay-n e Halo Infinite. Loja e 343 Industries duket mjaft ambicioze, me zhvilluesit thonë se kjo lojë do të jetë një rinisje e serisë Halo dhe lojtarët e rinj të serisë mund ta luajnë atë pa problem.
Gameplay i Halo Infinite u demonstrua në 60FPS në Xbox Series X. Mjedisi open-world të rikujton shumë Halo: Combat Evolved dhe në gameplay shfaqen edhe Warthog dhe The Banished. Gameplay nis disa orë brenda historisë së Halo Infinite dhe në të shfaqen edhe disa mekanika të reja si një grappling hook për Master Chief dhe një Drop Wall për t’u fshehur.
Grappling hook mund të përdoret për të kapur objekte në Halo Infinite, por mund të përdoret edhe për të hedhur granata. Ju mund të kapeni nëpër cepa murresh si dhe mund të përdorni Grappleshot për të luftuar nga afër me kundërshtarët. Ndërkohë, Drop Wall vendoset në tokë dhe përdoret për t’u mbrojtur nga kundërshtarët ose për të kthyer mbrapsht granata.
Halo Infinite ka armë të shumëta dhe disa prej tyre u shfaqën në gameplay-n e lojës. Ka një assault rifle, një battle rifle, një pistoletë të thjeshtë, pistoletë me plazma, bulldog shotgun, pulse carbine, si dhe disa armë të Banished si Mangler.
Sipas 343 Industries, qëllimi i një arsenali kaq të madh armësh është që çdo lojtar të gjejë playstyle-in që i përshtatet. Sipas tyre, këto veçori do të vijnë edhe në multiplayer, por detajet e kësaj të fundit do të zbulohen së shpejti.
Gjithashtu në lojë ka dhe një Halo ring i ri, për të cilin 343 Industries thotë se do të jetë disa herë më i madh se të dyja Halo-t e fundit së bashku. Sipas zhviluesëve, në Halo Infinite lojtarët do të kenë më shumë liri sesa kanë patur ndonjëherë më parë dhe demoja tregon vetëm pak nga ajo çfarë lojtarët kanë mundësi të bëjnë në Halo Infinite.
Ende pritet që më shumë informacion të zbulohet rreth Halo Infinite së shpejti.