Nëse nuk prisni dot deri në fundvitin e 2020s për të luajtur Halo Infinite, ndoshta nuk do ju duhet, sepse sot zhvilluesi njoftoi se loja do të ketë shumë beta përpara se të lançohet. Këto beta do të fillojnë si të vogla, por sa më afër lançimit, aq më të mëdhaja do të bëhen.
Nëse jeni përdorues i PC do të duhet të prisni pak, pasi këto beta do të vijnë fillimisht në Xbox One. Gjithsesi 343 Industries thotë se versioni i PC dhe Xbox One do të jetë njëlloj për të gjithë lojtarët, sado që ata të PC do të kenë akses më vonë.
Se kur do të vijnë këto beta, nuk ja ka idenë njeri. Për fatin tonë të keq 343 Industries nuk u fut më thellë nëpër specifika.
Halo Infinite është në zhvillim e sipër për Xbox Scarlett, Xbox One dhe PC. Loja është programuar për tu lançuar në të njejtën kohë me Xbox Scarlett, pra fundi i 2020s.