Halo Infinite nuk do ja dalë që të arrijë në kohë për lançimin e Xbox Series X në fund të këtij viti. Pas zbulimit të saj në Xbox Showcase, që u mbajt në korrik, ajo u kritikua relativisht shumë për grafikat e saj. Për këtë arsye Microsoft ka vendosur që ta shtyjë lançimin e lojës për në 2021. Është një lëvizje paksa dramatike, pasi loja supozohej të ishte lançimi i madh që shoqëronte konsolën e re. Ky është mesazhi që kreu i studios së Halo Infinite, Chris Lee, tha:
“Vendimi për të shtyrë lançimin vjen si rezultat i shumë faktorëve që kanë kontribuar në ndryshimin e rrjedhës së zhvillimit, përfshirë këtu impaktin e vazhdueshëm të COVID gjatë këtij viti. Dua të vë në dukje punën e fortë të ekipit tonë në 343 Industries, që kanë mbetur të përkushtuar në të bërin e një loje të shkëlqyer. Gjithsesi, nuk është mirë për skuadrën tonë ose për ecurinë e përgjithshme të lojës, që ta sjellim në fund të këtij viti.”
Lee gjithashtu shrkuan që koha shtesë që do të marrin do i lejojë të punojnë në elementë kyçë, që do të sjellin lojën më ambicioze të Halo të parë ndonjëherë. 343 Industries nuk tha një periudhë specifike lançimi për 2021. Le të shpresojmë që pritja nuk do të jetë shumë e gjatë.