Loja “flagship VR” e Valve, Half-Life: Alyx ishte paksa surprizuese kur u bë leak dhe u njoftua zyrtarisht para pak ditësh. Tani, zhvilluesi i saj, Valve, ka zbuluar detajet e plota për lojën PC. Pak a shumë ajo është një VR që do të lançohet vitin e ardhshëm dhe siç kanë sugjeruar dhe thashethemet, eventet e saj janë vazhdimi i Half-Life 2.
Half-Life: Alyx do të lançohet në mars të 2020ës për $59.99. Për ata që kanë Valve Index do të jetë falas, por gjithashtu loja do të mund të luhet në të gjithë PC VR headsets. Ngjarjet në të janë të vendosura mes Half-Life dhe Half-Life 2. Half-Life: Alyx është e ndërtuar me Source 2 engine. Ju do të luani si Alyx Vance dhe do të punoni përkrah Eli për të ndërtuar rezistencën kundër armiqve.
Valve thotë se loja: “është dizenjuar për në virtual reality dhe përmban të gjitha veçoritë dalluese të një loje në universin e Half-Life.”
“Të gjithë këtu te Valve jemi të emocionuar ti rikthehemi botës së Half-life,” është shprehur themeluesi i Valve, Gabe Newell, në një konferencë për shtyp. “E kemi investuar shumë veten në këtë teknologji, por në zemrat tona jemi zhvillues dhe përfshirja jonë në një lojë VR kaq ambicioze është shumë emocionuese. Fakti që ky projekt vjen në formën e Half-Life, e bën të ndjehet si përmbledhja e shumë gjërave që i kemi përzemër. Mezi po presim që t’ja u sjellim njerëzve.”
Seritë e Half-Life kanë qenë pak në gjumë që pas lançimit të Half-Life 2: Episode 2 në 2007n, ndaj fansat e kanë pritur mirë njoftimin e Half-Life: Alyx, sado që ndoshta nuk ka ardhur në platformën e tyre të dëshiruar. Shikoni trailerin e saj më poshtë.