Dhe ne akoma presim Half-Life 3…
Dhe ne akoma presim Half-Life 3…
Në 16 nëntor 2004, Valve publikoi një nga lojërat më të famshme dhe më të vlerësuara për PC ndonjëherë, të shumëpriturën Half-Life 2, e cila ishte baza e shumë lojërave dhe mod-eve që do të vinin në të ardhmen. Vazhdimi i aventurave të Gordon Freeman solli një FPS fantastike me një engine që të inkurajonte të luaje me botën që të rrethonte. Pa Half-Life 2 dhe Source Engine, nuk do të kishim mundësi të luanim lojëra si Team Fortress 2, Portal, Vampire the Masquerade: Bloodlines dhe Insurgency ndër shumë të tjera.
Half-Life 2 gjithashtu solli pamjen e re të Steam si dhe e bëri atë dyqanin kryesor për lojërat e Valve. Tashmë, Steam nuk ishte më thjesht një shërbim multiplayer dhe për update, por u rrit për t’u kthyer në platformën kryesore për PC gamers në të gjithë botën. Për shumë, suksesi i Steam e ka eklipsuar plotësisht atë të Valve, kompanisë që e lançoi.
Nëse ju ka marrë malli për këtë Half-Life 2, ky është momenti i duhur për ta gjetur atë dhe për ta luajtur sërish, po mos harroni të përdorni Half-Life 2: MMod, një prej mod-eve më të mira të lojës