Zhvilluesi i ri NantG premton kthimin në kohën e King of the Kill
Zhvilluesi i ri NantG premton kthimin në kohën e King of the Kill
H1Z1 ka ndryshuar emrin. Sërish.
Loja e cila nisi si një survival MMO dhe më pas u kthye në një battle royale nisi sezonin e tretë të saj dje në PC duke u kthyer në Z1 Battle Royale, ose Z1BR shkurt. Më parë është njohur si H1Z1, më pas H1Z1: King of the Kill e më pas sërish si H1Z1.
Z1BR gjithashtu ka dhe një zhvillues të ri: NantG, i cili ka marrë përsipër projektin nga Daybreak Game Company. NantG vjen me një patch gjigand për të cilin Anthony Castoro, menaxheri kryesor i studios, thotë se “do të sjellë mbrapsht lojën me të cilën ju u dashuruat“, pra King of the Kill.
Për këtë arsye, sezoni i 3 është quajtur “The Return of the King” (kthimi i mbretit) dhe madje kthen edhe loading screens dhe pamjen e menuve nga fundi i 2016 dhe fillimi i 2017. “Është diçka vërtet nostalgjike për lojtarët, prandaj menduam t’i kthenim” shkruhet në patch notes, ku gjithashtu janë të detajuara të gjithë ndryshimet e tjera.
Deri më tani, ky rilançim duket se ka funksionuar. Numri i lojtarëve është rritur në 12,731 nga 3,500 gjatë 2 muajve të parë të 2019. Duhet patur parasysh se loja vjet kishte një rënie drastike pas suksesit në 2017, ku kishte arritur mbi 150,000 lojtarë njëherësh. Kjo rënie madje bëri që sezoni i parë i ligës së esports të anullohej para përfundimit të tij.
Versioni i PS4 ende quhet H1Z1: Battle Royale dhe ka marrë një update të ndryshëm për sezonin e tretë në 21 shkurt.