CD Projekt RED ka njoftuar se një version mobile iOS për Gwent do të vijë në 29 tetor, duke i lejuar lojtarët që ta marrin këtë lojë me vete kudo që mund të duan të shkojnë përmes iPhone-ave dhe iPad-ëve të tyre. Loja erdhi fillimisht në Xbox One, PS4 dhe PC në 2018 rreth një vit më parë.
Gwent: The Witcher Card Game, siç i referohet titulli i saj i plotë është një version i lojës Gwent që praktikisht i tërhoqi vëmendjen të gjithë fansave të Witcher kur doli The Witcher 3: Wild Hunt. Lojtarët do të luftonin beteja kundër armiqve duke mbledhur karta me heronjtë dhe personazhet e shfaqura gjatë serive.
Loja ishte aq e famshme mes fansave të Witcher 3, ndaj CD Projekt RED me kalimin e kohës e solli si një projekt individual. Nga kjo erdhi edhe loja Thronebreaker, që përdori Gwent për të treguar historinë e Second Northern War, ku Geralt of Rivia u bë kalorës dhe mori nofkën e tij.
Ardhja e Gwent në iOS mund të bëjë të njejtën gjë si Hearthstone, loja ku Blizzard përdor personazhet dhe armiqtë nga universi i Warcraft për kartat e tij. Sado që Gwent mund të mos jetë aq e njohur sa Hearthstone, kalimi i saj në platformën e mobile është e sigurtë që do të tërheqë shumë fansa të Witcher.
Le të shpresojmë që Gwent të gjejë suksesin që i duhet në iPhone dhe iPad, mbi të gjitha për faktin që tashmë ka disa card games të ngjashme me të si Hearthstone ose Yu-Gi-Oh: Duel Links. Ju do të mund ta luani Gwent në iOS në datë 29 tetor, ndaj pritja nuk është e gjatë.