2v2 Gunfight Tournament mode do të rikthehet këtë javë në Call of Duty: Modern Warfare, bashkë me disa rewards fantastike për të ofruar. Sado që rikthimi i këtij mode-i ishte njoftuar paraprakisht në patch notes për update-in më të fundit të lojës, eventi i Tournaments ka ardhur tani live në lojë.
Siç u njoftua edhe nga Activision në postimin e fundit të CoD: “Gunfight Tournaments është rikthyer dhe për ata që po e luajnë për herë të parë, është mjaft e thjeshtë: fitoni katër ndeshje para se të humbni një dhe do të dilni nga loja me disa rewards.”
Ju do e luani mode-in pak a shumë në formatin e duos në kërkim të disa çmimeve ekskluzive. Lajmi i mirë është se nuk është e gjitha e humbur nëse nuk e arrini fitoren në raundin e fundit të ndeshjes. Studioja thotë se prapë do të ketë XP dhe rewards të tjera për tu marrë.
Nëse doni të praktikoni aftësitë tuaja në duos përpara se të futeni, Gunfight playlist do të qëndrojë në opsionet që mund të luhen gjatë gjithë javës, ndaj mund të hiqni ndryshkun përpara se të synoni direkt për ato rewards-at.