Erdhi live më herët nga ç’pritej.
Erdhi live më herët nga ç’pritej.
Activision i habiti të gjithë fansat e Call of Duty, duke e sjellë Alpha-n 2v2 të Modern Warfare një ditë më herët. Kjo Alpha është tashmë live dhe ekskluzive vetëm për PS4. Ajo supozohej të fillonte pak më vonë sot, por erdhi në lojë që në 22 gusht.
File-i për shkarkimin e lojës erdhi më herët se ç’duhej, duke i surprizuar të gjithë fansat për mirë. Ky file është 35.930 GB në PS4.
Kjo Alpha do i lejojë lojtarët të provojnë mode-in e ri Gunfight 2v2. Kjo është e vetmja mode multiplayer që do të jetë e disponueshme gjatë periudhës Alpha të testimit.
Në Gunfight dy dyshe lojtarësh do të gjenden në një betejë të ashpër. Skuadra e parë që merr 10 raunde mbi tjetrën, fiton. Lojtarët do të duhet të fitojnë me ato gjëra që ju jepen që në fillim.
Loadout-et ndryshojnë çdo dy raunde dhe për ta bërë edhe më interesante , lojtarëve ju jepen vetëm 40 sekonda për të eleminuar skuadrën tjetër. Nëse nuk ka një fitues deri në atë pikë, një flamur do të dalë mbi hartë.
Lojtarët duhet të vrapojnë te flamuri dhe ta mbrojnë për tre sekonda për të fituar raundin.
Deri më tani hartat për Gunfight kanë qenë King, Pine dhe Stack, që paraqesin respektivisht interierin e një magazine, një pyll dhe disa kontenierë në shkretëtirë.
Modern Warfare Alpha do të jetë e disponueshme deri të dielën në datë 25 gusht, kjo sigurisht nëse Activision nuk ka planifikuar ndonjë surprizë tjetër. Call of Duty: Modern Warfare pastaj, do të lançohet në 25 tetor për PlayStation 4, Xbox One dhe Microsoft Windows.