Vin Diesel sugjeron se Guardians Of The Galaxy do të jenë në filmin e ri të Thor

A do i shohim Guardians of the Galaxy në Thor: Love and Thunder?

Nëse personazhet e Guardians of the Galaxy do të shfaqen në Thor: love and Thunder, kjo nuk do të ishte ndonjë çudi e madhe dhe pikërisht Vin Diesel, zëri i Groot, duket se e ka konfirmuar. Ai tha:

“Regjizori komunikoi me mua për Thor dhe si do të përfshijë brenda edhe Guardians of the Galaxy. Kjo do jetë shumë interesante, askush nuk di gjë, ndoshta edhe unë nuk duhet të kisha thënë gjë.”

Hera e fundit që pamë së bashku Thor dhe Guardians, Thor sapo kishte hipur në Benatar në fundin e Avengers: Endgame dhe ishte duke argumentuar me Star-Lord se kush do të ishte kapiteni i anijes. Ka shumë gjasa që Thor të shfaqet në filmin e ardhshëm të Guardians of the Galaxy, Guardians of the Galaxy 3. Filmi ka kaluar disa vonesa dhe pritej të vinte në Phase 4 të Marvel, por tashmë besohet se do të publikohet përtej fundit të 2021.

Thor: Love and Thunder do të shkruhet dhe do të jetë nën regjinë e Taika Waitit. Filmi pritet të publikohet në nëntor të 2021. Ai do të ndjekë transformimin e Jane Foster në Mighty Thor. Së fundmi u konfirmua edhe prezenca e Christian Bale si antagonisti.