Rekordet e shtjeve për 2020 në Mbretërinë e Bashkuar kanë dalë dhe duket se për vitin që lamë pas, njerëzit kanë shijuar si lojërat e vjetra edhe ato të rejat. Grand Theft Auto 5 për shembull është duke u shitur mjaft mirë, duke qëndruar pranë lojërave si Call of Duty: Black Ops Cold War dhe Assassin’s Creed Valhalla.
Entertainment Retailers Association ka postuar listën e 10 lojërave më të shitura të vitit në Britaninë e Madhe. FIFA 21 është numri një, e ndjekur nga Black Ops Cold War në vend të dytë dhe Grand Theft Auto 5 në vend të tretë. Top pesçja plotësohet nga FIFa 20 dhe Call of Duty: Modern Warfare.
E vetmja çudi këtu është që ka ende njerëz që nuk e kanë GTA 5 dhe ata janë aq shumë sa ajo ka dalë në vend të tretë, me mbi një milionë njësi të shitura.
Ky ka qenë një vit i mirë për shitjen e videolojërave në Britani, sipas ERA. Industria kaloi 4 miliardë paund të ardhura të kombinuara për herë të parë. Sigurisht që faktori i pandemisë dhe dalja e PS5 dhe Xbox Series X, padyshim që kanë ndikuar në këtë.