Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Këto janë pesë misione në GTA dhe filmat nga të cilët janë inspiruar
Rockstar e ka bërë shumë të dukshme dashurinë e tyre për botën e filmit në lojërat GTA, duke sjellë vendndodhje mjaft të ngjashme, por edhe misione të ndryshme të inspiruar nga bota e filmit në të gjitha lojërat e serisë.
Kjo gjë ka vite që vihet re në GTA, dhe mesa duket pritet të vazhdojë në lojërat e ardhshme. Nga disa leaks të hershëm, thuhet se GTA 6 do të ketë një tematikë të ngjashme me serialin Narcos në Netflix.
5. Heat
Heat është një nga filmat më të mirë me vjedhje dhe ka në të dy yje si Al Pacino dhe Robert De Niro. Filmi është me regji nga Michael Mann dhe mbahet si një nga thrillerat-aksion më të mirë ndonjëherë. Siç mund ta shihni dhe nga video më sipër, Heat është një prej filmave që ka inspiruar GTA 5, me Michael që ngjan shumë me personazhin e Robert De Niro. Gjithashtu, misioni Blitz Play në GTA 5 ka disa ngjashmëri mjaft të dukshme me Heat.
4. Carlito’s Way
Carlito’s Way është një prej filmave më të nënvlerësuar të Brian De Palma dhe shpesh herë nuk përmendet në listat e filmave më të mirë. Gjithsesi, ai është një film mjaft i mirë dhe ka si aktor kryesor Al Pacino. GTA Vice City dhe sidomos Ken Rosenberg. Personazhi i Sean Penn është gjithashtu një avokat që pi drogë dhe ka fiksim kostumet që bien në sy.
3. Goodfellas
Nuk është aspak çudi që seria e GTA ka marrë inspirim nga një prej filmave më të mirë të Martin Scorcese. Shumë prej personazheve dhe vendeve të GTA 3 janë të inspiruar nga Goodfellas. Gjithashtu, aktori kryesor në Goodfellas është Ray Liotta, i cili gjithashtu ka bërë edhe zërin e Tommy Vercetti në GTA Vice City. Madje, në GTA 3 mund të shohim edhe një parodi të filmit nëpërmjet postarve të një fili të quajtur Badfellas.
2. Брат 2 (Brother 2) dhe Behind Enemy Lines
GTA 4 ishte një lojë më me këmbë në tokë dhe më e errët se lojërat e tjera të serisë dhe kjo duket edhe nga inspirimet e saj, të cilat nuk janë filmat e Hollywood. Ndërkohë që Niko Bellic padyshim që të ngjason me Sashan nga Behind Enemy Lines, historia e tij vjen nga një film rus i quajtur Брат 2 ose Brother 2, i cili tregon më në thellësi mafian ruse. Ka disa skena nga loja që janë të inspiruara drejtpërdrejt nga ky film.
1. Scarface
GTA Vice City është loja që e sjell më së miri botën e filmit Scarface, edhe pse në fakt ekziston një lojë e bazuar plotësisht tek filmi. GTA Vice City është e vendosur në vitet ’80 dhe qyteti është dukshëm i inspiruar nga Miami, me shumë vende që janë identike me ato në jetën reale. Gjithashtu, shtëpia e Tommy në lojë pasi ai vret Diaz është identike me atë të Tony Montana në film. Loja ka po ashtu të njëjtin ritëm si filmi dhe mbyllet në po të njëjtën mënyrë.
