Pas muajve në pritje të lajmeve të mëdha, Rockstar Games i është futur sërish botës së GTA, jo me GTA 6 sigurisht, por me update-in e ardhshëm që do të vijë në GTA Online.
Që kur “Diamond Casino Heist” u lançua përpara një viti në korrik të 2019s, nuk ka patur asnjë lajm rreth update-ve që GTA Online mund të merrte, por tani Rockstar ka zbuluar se update-i i ardhshëm do të jetë më i madhi deri më tani për GTA Online.
Data e lançimit të tij ende nuk dihet, por sipas Rockstar ai do të vijë në javët e ardhshme. Pra, gjasat janë që do të vijë brenda muajit gusht.
U zbulua edhe tematika e këtij update-i dhe ajo do të jetë ‘Heists’. Rockstar tha se Heists update do të bazohej plotësisht në një vendndodhje të re. Do të ishte çmenduri të hamendësonim se krijuesit e tij do të prezantojnë një hartë të re për këtë update, por sipas sugjerimevet të një YouTuberi të quajtur Digital Car Addict, ajo mund të jetë e bazuar në hartën North Yankton.