GTA Online sjell King of the Hill si dhe një makinë të re

Ocelot Jugular është Hannibal Lecter i makinave sportive

Rockstar ka shtuar një game mode të ri në GTA Online të quajtur King of the Hill, që do të vendosë përballë 16 lojtarë, të ndarë në ekipe, në një betejë për dominancë në shtatë harta të ndryshme. Detajet megjithatë ende nuk janë qartësuar nga ky lajmërim, pasi thuhet thjesht që të marrësh një armë dhe të arrish një vend të lartë, por për t’i shtyrë lojtarët, ata që do të marrin pjesë do të marrin dyfish GTA$ dhe RP deri në 16 tetor.

Gjithashtu këtë javë do të vijë dhe një makinë sportive, Ocelot Jugular. “Ajo mund të presë rrugën me saktësinë e një kirurgu, nëse ky kirurgu ka një forcë goditëse disa kilonjuton dhe mund të gjuajë një njeri me një shpullë me masë disa ton metrik“. Padyshim makina perfekte.

Lojtarët që do të bëjnë Client Jobs nga sot deri në 16 tetor do të fitojnë dyfish GTA$ dhe RP, ndërkohë që Special Cargo Sell gjithashtu do të japin dyfish GTA$. Lojtarët gjithashtu mund të tentojnë të fitojnë GTA$, RP, veshje dhe mbase dhe një supermakinë Principe Deveste Eight duke rrotulluar Lucky Wheel në Diamond Casino and Resort.