Lojtarët raportojnë probleme me serverat e GTA Online

Lojtarët kanë raportuar probleme me të futurit në GTA Online dhe shërbime të tjera të Rockstar Games, ndaj ja se ku mund të monitoroni disa prej këtyre problemeve.

Që kur GTA V erdhi falas në Epic Games store, është dyndur me lojtarë që kanë dashur ta merrnin, por sigurisht që një fluks kaq i madh solli disa probleme për lojën. Serverat e Rockstar janë mbingarkuar dhe tashmë sa herë që lojtarët bëjnë ‘log in’ ata hasen me një mesazh, që serverat nuk janë të disponueshëm për momentin.

Sipas statusit të zyrtar të serverit të Rockstar ka patur disa probleme me versionin PC të GTA Online. Në ditën e sotme, 17 maj, statusi në PC ka qenë portokalli në dallim me herët e tjera që është i gjelbërt. Kjo nënkupton që ka probleme, por që serverat as nuk janë plotësisht offline.

Teksa gjithmonë e më shumë lojtarë raportojnë probleme me log-in, është e logjikshme që një lloj zgjidhjeje ka për të ardhur. Të mos jesh në gjendje të luash është acaruese për shumë veta, por bëhet fjalë për GTA V… falas, ndaj deri diku do të themi që është një situatë e kuptueshme.

Nëse problemet vazhdojnë të agravohen do ju mbajmë të njoftuar, por situata është e dukshme që ka për tu zgjidhur vetë. Thjesht duhet të tregojmë pak durim. Fundja, momentalisht ka halle më të mëdha që duhen qarë.