Si një lojë që ka dalë në 2013n, GTA V ende vazhdon të shitet sikur ka dalë dje. GTA Online është një nga burimet më fitimprurëse në gaming sot për sot. Raportohet se në një pikë GTA Online po grumbullonte $500,000 në ditë në Shark Cards për Rockstar Games.
Vetë Story Mode e GTA V do të kishte qenë e mjaftueshme që lojtarët ta blinin lojën, por Rockstar ndërmori hapa shtesë dhe futi një mode Online gjithashtu. Një mode që i mban lojtarët të zënë edhe sot e kësaj dite.
SI TË LUANI GTA ONLINE NË PC NË 2020?
Rockstar Games mori kohën që i nevojitej për ta sjellë GTA V në PC, thuajse dy vite pas lançimit të saj në konsola për të qenë të saktë. Eksperienca e lojës mbeti e njejtë nga konsola dhe shtimi i Heists në GTA Online i dha lojës një frymë të freskët.
Në 2020n, GTA Online vjen si një eksperiencë e ndryshme e krahasuar me atë të lançimit. Loja ka marrë update të shumta dhe secili prej tyre ka shtuar diçka të re në të.
Teksa loja mund të jetë goxha e lodhshme për lojtarët e rinj, ose për ata që kanë pak kohë pa e luajtur, nuk kërkon shumë kohë që të mësoheni.
Për ta luajtur lojën në PC, ju duhet të blini një kopje të GTA V, ose nga Steam ose nga Epic Games Store. Çdo kopje e lojës vjen bashkë me GTA Online dhe mund të luhet pa patur nevojë të bëni pagesa shtesë.