Përse të bësh një lojë të re, kur ke diçka fitimprurëse në duar?
Përse të bësh një lojë të re, kur ke diçka fitimprurëse në duar?
Nuk dua ta filloj këtë artikull duke thënë se GTA 6 është një nga lojërat më të anticipuara të Rockstar Games, sepse të gjithë e dimë këtë. Kjo ndodh sepse deri në këtë pikë Grand Theft Auto e ka bërë veten të njihet si një nga seritë më të mira të lojërave përmes brezave të ndryshme që kalojnë.
Sado që GTA 5 ka gati gjashtë vite që ka dalë, loja vazhdon të shesë kopje si të ishte lançuar dje dhe rrallherë ndodh që ajo të dalë nga lista e çarteve të lojërave më të shitura. Duke qenë se është një nga lojërat më të pëlqyera në botë, është normale për Rockstar që të mendojë për të ardhmen e lojës.
Sipas raportimeve përgatitjet për të nisur punën me GTA 6 supozohet të kenë filluar që në 2016-n. Se sa i vërtetë është ky informacion është në dorë të gjithësecilit prej nesh. Me ardhjen e konsolave të gjeneratës së ardhshme në 2020-n është normale që thashethemet mbi një fenomen të tillë si Grand Theft Auto vetëm të shtohen.
Kjo është pjesa ku të gjithë fillojnë dhe dyjëzohen, sepse fjalët qarkullojnë lart e poshtë dhe Rockstar hedh njoftime për vende pune, por konfirmimi zyrtar duket si diçka që do edhe shumë kohë që të vijë.
Gjithsesi është lajmi që erdhi këtë javë ai që ndryshon pak mënyrën se si i mendojmë gjërat për lançimin e GTA 6. Kjo sepse, gjatë kësaj javë GTA 5 ka thyer rekord për numrin e lojtarëve. Gjashtë vite kjo pas lançimit të lojës. Dukshëm ky fenomen ka ardhur si pasojë e DLC-së së re të GTA Online, Diamond Casino & Resort.
Në një konferencë për shtyp Rockstar është shprehur: “Java që lamë pas ka patur më shumë lojtarë se kurrë në GTA Online. Rekorde janë thyer për ditën dhe javën me më shumë lojtarë, që kur loja është lançuar në 2013n.”
Imagjinoni pak faktin që Take Two ka publikuar dy lojëra të reja të NBA 2K, Red Dead Redemption 2 dhe nga të gjitha këto çerek të fitimeve i ka patur nga një lojë që ka gjashtë vite në treg. Është vështirë të imagjinosh se përse Rockstar do të donte të punonte me GTA 6, kur tashmë gjendet në pozita mjaft të mira për veten e vet.
Plus me PS5 dhe Xbox Scarlett që kanë konfirmuar backwards compatibility, ata nuk kanë as pse të shqetësohen për një gjeneratë të re që mund të zhdukë bazën e tanishme të lojtarëve.
Rockstar mund thjesht të publikojë një update next-gen për lojën, duke i sjellë grafika 4K dhe detaje të tilla, përpara se ti futet punës me një GTA të re.
Pra nëse GTA Online është duke sjellë kaq shumë fitime, përse duhet të heqësh dorë nga ajo për një sipërmarrje të re. Nga pikëpamja objektive duket se nuk ka asnjë arsye të mirë për Rockstar që të fillojë të punojë me GTA 6 dhe sinqerisht, nuk ju vëmë dot faj.