Rockstar po sjell një tufë me aktivitete në GTA Online javën e ardhshme, që t’ju mbajë të argëtuar deri sa të vijë “update-i më i madh” i Grand Theft Auto ndonjëherë. Pas reset-it javor, të martën e 11 gushtit, do të ketë një sërë gjërash të reja që mund të bëni, duke filluar me co-op missions në makina të reja dhe Open Wheel Races.
Nëse keni Galaxy Super Yacht, do të mund të kridheni në një sërë misionesh të reja bashkë me tre miqtë tuaj. Këto misione konsistojnë në aktivitete si: zhytje ose ndjekje në det.
Rockstar gjithashtu thotë se pikat e shitjes së makinave në GTA Online do të furnizohen me mbi një duzinë makinash që mund të blini. Ndaj filloni të kurseni pak. Nëse po pyesni veten se çfarë do të bëni me gjithë ato makina, do të ketë Open Wheel Races të reja ku mund t’i testoni. Nëse po ndjeheni kreativë, mund të përdorni edhe Opern Wheel Race Creator.
Përtej gjithë këtyre, si me çdo update, do të ketë edhe përmirësime të përgjithshme dhe rregullime bugs-ash.