Rrugët e Los Santos janë dyndur me një një luftë të vazhdueshme bandash aliene në GTA Online. Origjina e konfliktit lindi nga një grup lojtarësh, të veshur në kostume të gjelbërta alienësh, në gjueti të lojtarëve të tjerë, për t’i rrahur mizorisht me shkop basebolli. Këto u bënë virale shumë shpejt dhe pa e kuptuar grupe të tjera aliene u formuan për t’i dhënë fund terrorit të bandës së gjelbërt. Përgjatë javës së fundit banda të reja aliene janë formuar në lojë, duke krijuar një rrjet të komplikuar alienësh dhe jo-alienësh që po luftojnë për kontrollin e rrugëve të Los Santos.
Banda më e madhe rivale e alienëve të gjelbërt janë alienët lejla, të cilët nuk sulmojnë lojtarë të tjerë. Ata fokusohen në ndërveprime me anëtarë të grupit të alienëve të gjelbërt. Pak a shumë ata janë paqevënësit e Los Santos.
Teksa banda e gjelbërt dhe lejla janë dy më të mëdhat në Los Santos, ato nuk janë të vetmet. Nga këto grupe janë formuar edhe fraksione të tjera të ngjyrave të ndryshme.