Një numër i fansave të Grand Theft Auto kanë besuar se ata mund të shohin GTA 6 përpara fundit të majit, por sa janë gjasat që kjo gjë vërtet të ndodhë?
Kanë kaluar afërsisht tetë vite që kur Rockstar Games publikoi GTA V, duke shënuar instalimin e nëntë në serinë e famshme të lojërave. Sado që është gati një dekadë e vjetër loja vazhdon fuqishëm falë GTA Online.
Data e re që disa fansa po vënë në dukje është 12 maji. Pse ajo datë? Në mungesë të E3 këtë vit Geoff Keighley është duke organizuar diçka më vete dhe në atë ditë është përllogaritur një surprizë për fansat.
Pavarësisht të dhënave që mungojnë, fansat e GTA besojnë se kjo është koha e tyre për të shkëlqyer. Gjatë muajve të fundit ata janë demoralizuar disa herë. Një pjesë e mirë e tyre mendonin se loja do të vinte në mars, por sigurisht që kjo nuk ndodhi.
Raportime të tjera pastaj sugjerojnë se GTA 6 nuk ka shumë gjasa që të vijë së shpejti, duke thënë se loja nuk është akoma as në fazat e para të zhvillimit të saj, por edhe kjo është kundërshtuar nga burime të brendshme të Rockstar që thonë se më shumë se gjysma e lojës është mbaruar.
Nëse do shohim ndonjë njoftim për GTA 6 në 12 maj ende nuk e dimë, por Rockstar ka një tendencë që ti bëjë gjërat në mënyrën e vetë, ndaj do të ishte mirë të mos i rrisnim shumë shpresat.