Deklarata e Rockstar Games erdhi pas lajmërimit të një fundviti 2019, shumë të suksesshëm për Grand Theft Auto 5
Deklarata e Rockstar Games erdhi pas lajmërimit të një fundviti 2019, shumë të suksesshëm për Grand Theft Auto 5
Zhvilluesit e lojës lëshuan një njoftim ditën e djeshme, i cili zbuloi një mori të tërë shpërblimesh të vëna në dispozicion të lojtarëve të GTA Online dhe Red Dead Online. Lojtarët e GTA, për shembull, mund të marrin deri në 2 milion dollarë në lojë absolutisht falas.
Nëse bëhet fjalë për deklarata taksash ose thashetheme nga shitës austriakë, aludimet mbi GTA 6 kanë qenë duke u ngritur, por disa besojnë se ‘teaser’-i më i madh nuk është zbuluar ende zyrtarisht.
Ndërsa kishte mjaft për t’u zbuluar nga lajmi, përfshirë konfirmimin se makinat e Formula 1 janë lloji tjetër i automjeteve që do të vijnë në GTA, ekzistonte një frazë interesante e kësaj deklarate që u identifikua si një e dhënë drejt një loje të re Grand Theft Auto.
Deklarata e Rockstar thotë: “Ende ka shumë më tepër për të ardhur në vitin 2020. Sa për GTA Online, është shtimi i një serie garash që paraqesin të gjitha llojet e reja të automjeteve; me gara të tensionuara, shpejtësi të lartë, bazë gjurmësh, ku kënde të ngushta, taktika e zgjedhjeve të gomave dhe ndalesat në kohë të përkryer bëjnë ndryshimin. Plus, presim më shumë ‘update’-e të mëdha dhe disa surpriza kur të avancojmë më shumë përgjatë vitit”.
Ka një seksion të tërë kushtuar asaj që do të vijë “së shpejti” në ekskluzivitetet popullore, që është pikërisht ajo që fansat duan të shohin, me kaq shumë që shpresojnë se pjesa e gjashtë e serive të lojës do të shpallet në të ardhmen e afërt.
Tani, nëse ekziston një gjë që lojtarët e GTA duan më shumë se gjithçka tani janë “surprizat”, dhe tani shumë besojnë se lëshimi i ardhshëm i projektit do të konfirmohet në të ardhmen jo shumë të largët. Një përdorues i Reddit tha: “Ata nuk po flasin për update-te online. Ata kanë ndarë dy gjërat në fjali. Pra, do të thotë diçka të re përveç online.”
Duhet thënë, sidoqoftë, se ky argumentim mund të jetë pak më optimist seç duhet, dhe jo të gjithë janë të bindur që ky njoftim është teaser-i i parë. Një tjetër postoi: “Ata po flisnin për GTA Online. Mos lexo shumë nëpër fraza.”
Këto surpriza mund të jenë përmbajtje e re për Grand Theft Auto 5, të cilat Rockstar i ka vazhduar me update-tet e rregullta javore duke shtuar karakteristika të reja, ose ndoshta edhe më shumë evente në lojë.
Me mungesë të detajeve specifike, ne do të duhet të presim dhe të shohim se çfarë Rockstar ka në plan për ne në vitin 2020.