Një teaser i GTA 6 është fshehur brenda trailerit të Cayo Perico heist

Fansat e Grand Theft Auto Online kanë zbuluar mundësinë e një teaser-i të fshehur të GTA 6 brenda trailerit të ri për heist-in e lojës. Cayo Perico heist mori së fundmi një trailer në YouTube me titullin “surveil.exe.”

Në të, disa nga pamjet jeshile të kamerave të sigurisë tregojnë një trup pranë një plazhi, me një valixhe. Në fund të ekranit ka disa kordinata që lexojnë: “38.527A N; 79.6129A W.”

Shumica e fansave thjesht do e injoronin këtë gjë, por ka nga ata që vendosin të hetojnë pak më thellë edhe gjënë më të vogël. Kështu një fans i kërkoi këto koordinata në Google Maps. Ajo që ai pa ose ishte e vënë qëllimisht nga Rockstar, ose ishte një koiçidencë super e çuditshme. Nëse është e qëllimshme, atëherë ky i bie të jetë teaseri i parë zyrtar i GTA VI nga Rockstar.

Siç mund ta shikoni edhe më sipër, koordinatat tregojnë një rrugë që formon numrin 6 në shifra romake. Lojërat e GTA shpesh përdorin numra romakë në vend të atyre standartë, ndaj ka një mundësi të mirë që ky të ketë qenë një easter egg nga ana e Rockstar.

Kjo vendndodhje ndodhet në Virginia dhe sado që nuk na bën shumë sens që Virginia të jetë e lidhur me GTA 6, do të shpresojmë që të paktën ndonjëfarë njoftimi nga ana e Rockstar të vijë së shpejti.