Rockstar Games ende nuk e ka njoftuar zyrtarisht instalimin e ardhshëm në seritë e GTA, por kjo nuk i ka ndaluar fansat që të gërmojnë pak në punët e zhvilluesve, për të parë se çfarë po bëjnë ata.
Tani më shumë prova kanë dalë në sipërfaqe, që sugjerojnë se GTA6 është në zhvillim bashkë me të paktën një projekt tjetër që nuk është zbuluar akoma.
Në website-in e LinkedIn, fansat dalluan faqen e Lead Senior Designer, Ian Gander. Sipas profilit të tij, ai ka qenë te Rockstar për afërsisht 10 vite, ku ka punuar me GTA V dhe Red Dead Redemption 2.
Profili i tij sepcifikisht thotë se ai “ka ndihmuar me dizajnin dhe implementimin e misioneve të ndryshme dhe gameplay-in”
Gjithsesi, ka një pjesë tjetër në profilin e tij që i ka lënë fansat të emocionuar. Përtej Grand Theft Auto dhe Red Dead, ai gjithashtu thotë se ka punuar si zhvillues në një lojë “të panjoftuar: TBC”.
Akronimi TBC zakonisht qëndron për “to be confirmed” ose “continued”, ndaj është e mundur që këto projekte ende pritet të njoftohen nga kompania.
Le të shpresojmë që ndonjë farë njoftimi do të bëhet në 2021. Të gjithë jemi ende duke pritur atë njoftimin e GTA 6.