Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Kur vjen puna te GTA 6 gjithçka që dimë është e bazuar në thashetheme dhe leaks. Vetë ekzistenca e lojës nuk është e konfirmuar. Teksa ka shumë leaks që përsa i përket hartës dhe gameplay-it të GTA 6, gjithmonë janë raste ku njëri leak ecën në kundërshtim me tjetrin. Pas një artikulli të Kotaku me Rockstar Games, njerëzit kanë filluar të gërmojnë gjithmonë e më thellë për të kuptuar se çfarë është më afër të vërtetës.
Raportimi i parë sugjeronte se GTA 6 do të ishte e përmasave mesatare, në mënyrë që zhvillimi i lojës të bëhej sa më i thjeshtë. Plani ishte që përmes update-ve të shpeshta pas lançimit, loja do të rritej gjithmonë e më shumë në madhësi. Kjo do e bënte Rockstar të devijonte akuzat që i mbingarkon punonjësit e saj. Sado që si leak duket goxha i besueshëm, fansat mendojnë se në fakt gjërat janë ndryshe.
Sipas një thread-i në Reddit, ka burime të besueshme që thonë se harta e GTA 6 do të jetë gjigande dhe se ka qenë në punim e sipër që në 2014n. Ky informacion erdhi nga Chris Liberty, i cili ka lidhje të afërta me Rockstar Games. Liberty ka bërë leak më parë largimin e Dan Houser dhe ka dhënë informata të tjera në lidhje me GTA 6 në të shkuarën.
Në këtë pikë po kapemi pas fijeve të perit për të zbuluar më shumë mbi lojën e ardhshme të Rockstar. Askush nuk e di nëse janë të sakta fjalët e Kotaku apo ato të Liberty, ndaj e mira është që asnjë prej këtyre pohimeve mos të merret plotësisht si i mirëqenë.
Kur dhe nëse GTA 6 do të njoftohet mbetet një mister. Mund të na duhen vite përpara se të zbulojmë se si është loja me të vërtetë. Momentalisht duhet të mjaftohemi me kaq thërrime sa kemi. Gjithsesi nuk mund ta mohojmë se ka shumë lojëra të tjera të mira për të luajtur dhe plot aktivitete për të bërë në GTA 5.
