Një leak i GTA 6 thotë se loja do të zbulohet në mars

Prej muajsh fansat e Grand Theft Auto janë përpjekur të zbulojnë ndonjë farë të dhëne ose informacioni që do i drejtonte në zbulimin e ndonjë të dhëne ose informacioni për Grand Theft Auto 6. Për ta bërë këtë ata i janë futur thellë GTA Online.

Tani del se sipas një “burimi të brendshëm” ajo që po presim nuk është edhe aq larg. Një tjetër leaker e ka përforcuar këtë teori, duke thënë se loja do të njoftohet për pak ditë.

Kjo deklaratë u postua online nga një burim anonim, që nguli këmbë se informacioni vinte nga dikush që punonte te Rockstar. Gjithsesi ata ndanë disa detaje të mëtejshme mbi atë që mund të vijë së shpejti, që mund ti bëjë fansat të ndalojnë dhe të hedhin një sy.

Ata thanë se GTA 6 do të zbulohej në fund të marsit dhe se lojtarët do të rikthehen në Miami. Ajo që e dallon nga thashethemet e tjera është se thotë që lojtarët do të luajnë si një protagonist mashkull. Leaks dhe thashetheme të tjera thonin se sistemi i personazhve të shumtë nga GTA V do të bënte rikthim në ndonjë lloj forme.

Deklaratat anonime u postuan online dhe u thelluan pak më shumë për vendin ku do të zhvillohet GTA 6. Ky leak gjithashtu konfirmonte aludimet se droga do të luante një rol të madh në histori.

Sigurisht që është e vështirë të identifikosh se kush nga këto leaks mund të jetë më isaktë, pa patur konfirmimin zyrtar të Rockstar fillimisht. Gjithsesi, nëse ky leak do të rezultojë të jetë i vërtetë, nuk do të duhet të presim shumë për ta zbuluar.