Nëse menduat se leaks për GTA 6 kishin marrë fund atëherë e kishit gabim, me shumë gjasa ato kurrë nuk do të mbarojnë. Gjithsesi një imazh që mendohet të jetë nga GTA 6 po bën xhiron e internetit, por a është aq i vërtetë sa mendojnë fansat?
U bë kohë që fansat e Grand Theft Auto janë në pritje të një njoftimi për GTA VI nga Rockstar Games. Gjithsesi zhvilluesit vazhdojnë të mbeten të heshtur. Tani ka dalë një leak i ri që i ka ngritur shpresat të gjithëve.
Imazhi tregon atë çfarë supozohet të jetë një peizazh i ndërtesave të Miami me pemë palme dhe me një tint rozë në qiell. Imazhi shoqërohet edhe nga një logo e Rockstar në fund për ta bërë edhe më të bindshëm.
Teksa fotoja bëhej gjithmonë e më e madhe në subreddit, shumë fansa thanë se ajo që po shiihnin nuk ishte e vërtetë dhe se nuk lidhej me GTA VI në asnjë lloj mënyre. Disa prej tyre thanë se fotoja vinte nga një mod i GTA V.