Këmbësorët e GTA 6 do të krijojnë rrugën e tyre të të ecurit

Grand Theft Auto 6 duket se po i rrit standartet për NPC që do të mbushin open-world-in e saj.

Sipas një patente të zbuluar së fundmi , kompania mëmë Take-Two Interactive ka punuar në një “sistem dhe metodë për navigimin virtual në një mjedis loje.” Patenta nuk e përmend në mënyrë direkte GTA 6, por është e lehtë të lidhësh pikat mes asaj që zhvilluesi Rockstar Games po synon dhe asaj që instalimi i ri i lojës do të sjellë.

Patenta përshkruan një mënyrë se si një lojë open-world si GTA 6, mund të gjenerojë automatikisht rrugë navigimi për NPC e tij.

Kjo sjellje e AI do të ketë një impakt të madh në një mjedis online. Kjo është pjesa ku GTA Online futet në lojë. GTA 6 padyshim që do e ruajë GTA Online mode, por me upgrade masive. Të paturit e një mekanike auto-pathfinding për të gjithë banorët e thjeshtë, por dhe për ata që janë në makinë, do të ishte një përmirësim masiv në dinamikën e lojërave open-world.

Ja vlen të përmendim se një nga zhgënjimet më të mëdha të Cyberpunk 2077 ishin NPC e çorganizuar. Në shumë mënyra AI i GTA 5 është shumë më superior se ai i Cyberpunk 2077. Patenta në fjalë hap dyer për një lojë realisht të gjeneratës së ardhshme në GTA 6.

GTA 6 ende nuk është njoftuar zyrtarisht, por mendohet të jetë në zhvillim aktiv për PlayStation 5, Xbox Series X/S dhe PC.