Një fans i mprehtë i GTA V duket të ketë hasur një të dhënë që mund të sugjerojë diçka drejt lojës së ardhshme të serive.
Më herët gjatë këtij muaji, një leak për hartën e GTA 6 filloi të qarkullonte në Reddit. Fakti që harta ngjante shumë me një leak të bërë më parë në 2018, i bëri shumë fansa të besojnë se kjo ishte realisht harta e GTA 6.
Tani një tjetër lojtar mendon se ka gjetur prova që e mbështesin këtë leak brenda lojës. Përdoruesi i Reddit MrBurpAlot ishte duke qëndruar në një nga strip clubs të Los Santos, për arsye plotësisht të pafajshme, kur vërejti posterat në murin e dhomës.
Ato i referoheshin një vendndodhjeje të quajtur Paradise Isle, që akoma nuk është shfaqur në ndonjë lojë të Grand Theft Auto. Duke krahasuar këto postera me hartën e bërë leak që përmendëm më sipër, MrBurpAlot beson se janë të njejtat. Gjithsesi, kjo është e gjitha e hapur për interpretim. Mund ta shikoni vetë në linkun këtu.
Ky “zbulim” ka patur dy lloj reagimesh: njerëzit që mendojnë se është një e dhënë e fortë nga ana e Rockstar dhe ata që mendojnë që s’ka pikën e lidhjes. Vendoseni vetë se në cilën anë qendroni.