GTA 5 kap majat e Twitch falë RP server

Update më i fundit që ka ardhur në një server GTA Online role-play ka bërë që GTA 5 të bëhet loja më e ndjekur në Twitch duke kaluar lojëra të ndryshme popullore si League of Legends dhe Rust.

Para pak kohësh, një trailer tregoi lançimin e një serveri në GTA Online të quajtur NoPixel 3.0 gta rpGTA RP. Ky server iu mundëson lojtarëve që të zgjedhin rolin e tyre në botë të ngjashme me atë të San Andreas. Lojtarët mund të zgjedhin të bëhen kriminelë, policë, njerëz të thjeshtë dhe shumë role të tjera.

Serveri është krijuar duke përdorur FiveM nga një grup vullnetarësh pa asnjë ndërhyrje nga Rockstar. Serveri është i hapur por për të hyrë do t’iu duhet të aplikoni në website e NoPixel dhe të prisni për një përgjigje.

Kjo gjë ka bërë që interesi i shumë content creator të drejtohet drejt kësaj gjëje duke bërë që GTA 5 të arrijë vendin e parë në Twitch me mbi 400 mijë shikues.