Sipas disa raportimeve, nga nesër lojtarët do të mund të marrin GTA 5 falas në Epic Games Store
Sipas disa raportimeve, nga nesër lojtarët do të mund të marrin GTA 5 falas në Epic Games Store
Sipas disa raportimeve, thuhet se GTA 5, loja më e fundit e serisë Grand Theft Auto, do të jetë falas për t’u marrë nga lojtarët duke nisur nga nesër, pra 14 maj. Epic Games sjell çdo javë lojëra falas, por zakonisht ato janë lojëra shumë më të vogla se GTA 5.
Nëse zërat janë të vërtetë, atëherë ju do të keni mundësi të merrni GTA 5 falas deri më 21 maj. Për më tepër, thuhet se versioni që Epic Games do të japi do të jetë Premium Edition, i cili përfshin GTA Online dhe shumë kontent brenda lojës. Vetë Epic Games po krijonte hype për lojën e tyre të ardhshme falas, gjë që tani mesa duket ka mjaft kuptim. Kur ta merrni këtë lojë, atëherë ajo do të mbetet me ju përgjithmonë, siç ndodh me të gjitha lojërat që jep falas Epic Games Store.
Në fakt është pak e çuditshme që GTA 5 mund të jepet falas, duke qënë se loja ende shet miliona kopje çdo vit, edhe pse kanë kaluar 8 vite që prej lançimit të saj. Padyshim që kjo lëvizje do të shkaktojë edhe më shumë zëra për lançimin e GTA 6, por sipas informacioneve do të na duhet ende të presim shumë për lançimin e saj.
Kjo padyshim që do të shtyjë më shumë njerëz të luajnë GTA Online, prej së cilës Rockstar po fiton shumë para. Thuhet se ata fituan mbi $595 milionë gjatë 2019 nga ky mode. Ky lançim padyshim do ta ndihmonte shumë edhe Epic Games Store për të rritur numrin e përdoruesëve.