Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nëse doni të blini GTA 4 në Steam, tashmë kjo nuk është më e mundur
Loja open world e Rockstar, Grand Theft Auto 4, nuk është më në shitje në Steam. Megjithatë, lojtarët të cilët tashmë e kanë blerë GTA 4 munden që gjithsesi ta luajnë dhe ta shkarkojnë atë.
Në fillim, heqja e lojës nga Steam ishte një mister. Mendohej se kjo kishte të bënte me faktin që Rockstar po hiqte lojërat e tyre nga platformat e tjera dhe po i çonte ato drejt Rockstar Launcher, i cili erdhi së bashku me Red Dead Redemption 2 në PC vitin e kaluar.
Mesa duket, problemi qëndron tek Games For Windows Live, e cila u ngjall nga varri dhe erdhi sërish për të na prishur punë. Shërbimi online i Microsoft ka patur shumë viktima gjatë viteve, ku ndër ‘ta duket se është edhe Niko Bellic.
Loja është ende në Steam, por ju nuk keni mundësi ta bleni më atë. Një folës nga Rockstar shpjegon arsyet pse: “Grand Theft Auto 4 u lançua për platformën Games For Windows Live. Me Microsoft që nuk e suporton më platformën, nuk është më e mundur që të gjenerohen çelësa të rinj për lojën, të cilët nevojiten për ta shitur atë. Po kërkojmë për mënyra të tjera për të shitur GTA 4 në PC dhe do të zbulojmë më shumë sapo të na jepet mundësia.” Pra, ky është një problem i zgjidhshëm dhe loja mund të rikthehet sërish në Steam, por ekziston mundësia që kjo gjë të mos ndodhë.
Rockstar supozohej të lançonte një DLC single-player për GTA 5, e cila nuk erdhi kurrë, pavarësisht se ishte një prej lojërave më të shitura të të gjitha kohërave (GTA 5 ishte loja më e shkarkuar për Krishtlindjet e vitit që lamë pas, plot 6 vite pas lançimit të saj). Duke parë dominancën e lojës më të re, vështirë se Rockstar ka interes që ta sjellë GTA 4 sërish në Steam me shpejtësi.
Gjithsesi, Games For Windows Live ka qënë gjithmonë një ide e keqe dhe problemet e saj na përndjekin edhe shumë vite më vonë.
