Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Google Stadia u lançua në 19 nëntor për njerëzit që paguan $130 për hardware kit dhe bënë subscribe në Stadia Pro. Në një pikë gjatë 2020ës pastaj, Stadia do të bëhet e disponueshme për të gjithë. Fatkeqësisht, ende nuk duket të ketë një arsye të mirë, që ti tërheqi gamerat nga mënyrat e tyre tradicionale drejt Stadias. Lojërat e 2020 nuk duken të jenë më të mira dhe lista zhgënjyese e 2019s, që Stadia kishte për të ofruar.
Në 2019, Stadia u lançua me 22 lojëra dhe që nga ajo pikë, janë shtuar edhe katër të tjera, duke na sjell në një total prej 26 lojërash. Për shkak të çështjeve kohore të lançimit, Stadia ishte pak vonë në të marrurin e lojërave në ditën e tyre të lançimit dhe për 2020 nuk duket të ketë shumë të reja të planifikuara. Mungesa e lojërave ekskluzive dhe lojërave të reja përgjithësisht e bën Stadia të ngelet goxha mbrapa.
Një nga problemet më të mëdha me listën e lojërave të Stadia për 2020 është se sa pak lojëra ekskluzive të Stadia janë njoftuar. Në fakt, ka vetëm tre dhe të gjitha ato janë konfirmuar të jetë përkohësisht ekskluzive, që do të thotë që në të ardhmen do të shfaqen edhe në platforma të tjera. Këto lojëra janë Get Packed, Spitligs dhe Orcs Must Die! 3, që do të vijnë në Stadia gjatë 2020ës.
Historikisht kanë qenë lojërat ekskluzive faktor përcaktues në mbarëvajtjen ose cilësinë e një konsole/platforme. Fokusi i Google është në teknologjinë cloud, duke fuqizuar edhe Stadia, e cila në një farë mënyre është e ardhmja e gaming. Gjithsesi, ka shumë pak lojëra vetëm për Stadia, që do të mund të ngjallin realisht interes në gamera, edhe nëse shërbimi do të jetë falas.
Lineup-i i Stadia për 2020 ka si pikë të fortë lançimet e reja. Stadia do të marrë disa nga lojërat më të mëdha të këtij viti si: Doom Eternal, Cyberpunk 2077 dhe Marvel’s Avengers. Gjashtë lançime të tjera të reja të 2020ës që janë konfirmuar për Stadia janë: Destroy All Humans!, Gods and Monsters, Baldur’s Gate 3, Watch Dogs: Legion, Monster Energy Supercross 3 dhe Windjammers 2.
Përtej lojërave që do të ketë shërbimi, ja vlen të përmendim edhe se si duket ai i krahasuar me Xbox Game Pass dhe PlayStation Plus. Momentalisht, Google Stadia Pro ofron 4K, streaming 60 fps me HDR dhe 5.1 surround. Google ka si synim të përfshijë edhe një katalog me lojëra falas që vijnë me tarifën mujore të $9.99, por fakti që Stadia Pro nuk është një shërbim subscription si puna e Netflix ose Game Pass, e vë atë në një pozitë më të vështirë në tentativën e saj për të ndërtuar një bazë të fortë përdoruesish.
