Fortnite: Epic Games zemërohet me Google

Mesa duket për momentin marrëdhëniet mes Epic Games dhe Google nuk janë dhe aq të mira, për vetë faktin që Google solli probleme sigurie në Fortnite Android.

Një dobësi e sigurisë në versionin Android të Fortnite është rregulluar shumë shpejt nga Epic Games. Sidoqoftë, Google publikoi gjurmë në lidhje me këtë hapësirë/problem gjithsesi, prandaj ata të Epic Games tani, mund të themi që nuk janë dhe aq… “të lumtur”. Sipas ekipit të Epic, Tim Sweeney, ky veprim mund të shfrytëzohet nga hakerët me lojtarët të cilët ende nuk e kanë instaluar patch-in.

Google po ndjek një strategji për të bërë publike dobësitë e softuerit pasi zhvilluesi të jetë informuar dhe kanë kaluar shtatë ditë.

Sipas përshkrimit të cenueshmërisë, aplikacioni Fortnite ka shanse që në të, të jenë në gjendje të ndërhyjnë aplikacionet e tjera për të shkarkuar në sfond softuerin e paprovuar që mund të ketë akses në të gjithë smartphone-in. Natyrisht, Google më parë ka njoftuar Epic Games, të cilët gjithashtu lëshuan ​​një patch brenda pak ditësh. Epic Games më pas i kërkoi Google që të priste 90 ditë në vend të 7 ditëve të rregullta për të liruar error-in që kishte ndodhur. Thjesht sepse patch nuk do të shkarkohet derisa lojtarët të fillojnë Fortnite. Epic Games shpresonin të shpërndanin patch-in tek më shumë lojtarë brenda 90 ditëve.

Por Google refuzoi. Pas shtatë ditësh, ky error u lexua. CEO i Epic, Tim Sweeney nuk është aspak i impresionuar. Ndërkohë që ai e kupton se kjo ka kuptim për Google nga një perspektivë e PR, ai gjithashtu beson se tani ekziston rreziku që hakerët të shfrytëzojnë këtë dobësi dhe të sulmojnë lojërat e paplotësuara të disa përdoruesve.

Sweeney është i mendimit se Google donte të fshinte Epic Games me këtë promovim, sepse Fortnite nuk ofrohet në Play Store. Përmes Play Store, patch-et shpërndahen dhe instalohen direkt, jo vetëm kur fillon loja. Epic Games këshillon të gjithë lojtarët e Fortnite në pajisjet Android për të instaluar update-in sa më shpejt të jetë e mundur.