SoC, i quajtur Whitechapel, mund të jetë gati këtë vjeshtë.
Lajmet se Google po punon për të prodhuar chip-in e saj ka kohë që qarkullojnë, dhe sot është konfirmuar se kompania do të debutoje me SoC e saj të parë në smartphone-in e ardhshëm “flagship”. Chip-i i quajtur Whitechapel do të përdoret në serinë e re të Pixel që do lançohet këtë vjeshtë.
Raportimet e fundit tregojnë se Whitechapel mund të përdoret si një SoC për smartphone dhe Chromebooks, dhe se Google ka punuar me Samsung për të zhvilluar procesorin. Artikulli i 9to5Google nënvizon një lidhje me chipset-in e Samsung: Exynos, duke thënë se Whitechapel është duke u zhvilluar me divizionin SLSI (Semiconductor’s system large-scale integration) të Samsung.
9to5Google ka publikuar disa emra të koduar, si për shembull “GS101” për të cilin thuhet se është një emër tjeter për chip-in. 9to5Google spekullon se GS mund të jetë shkurtim për Google Silicon. Një tjetër emër i koduar është edhe “Slider” që mendohet se mund të jetë “një platformë e përbashkët për Whitechapel SoC e parë. Slider është i lidhur edhe me dy emra të tjerë të koduar – “Raven” dhe “Oriole”. Këto besohet se mund të jenë smartphone-t e ardhshëm të Pixel duke filluar që nga vjeshta e këtij viti, me një ndër to që thuhet të jetë Pixel 6.
Google refuzoi të komentonte rreth këtyre lajmeve kur u pyet nga Engadget. Por duke parë që prodhuesit e tjerë të smartphone-ve si Samsung, Apple, Huawei dhe Xiaomi kanë filluar të prodhojnë vet chip-et për telefonat e tyre, nuk është surprizë që Google të bëj të njëjtën gjë. Ndërkohë që asnjë prej këtyre spekulimeve nuk është zyrtar dhe Pixel 6 është muaj larg lançimit, lajmet rreth SoC të ri të Google do të vazhdojnë të qarkullojnë.