Nëse ka një njeri në këtë industri që di ndonjë gjë për krijimin e përbindëshave gjigandë, ai është Hideo Kojima. I njohur më së miri si krijuesi i serive Metal Gear, Kojima ka dhënë kontribut masiv në shumë personazhe çnjerëzore në seritë e Konami. Gjithashtu dhe puna e tij në Death Stranding, lojën e ardhshme ekskluzive të Sony nuk është për tu lënë pas.
Pra si një njeri mëse i kulturuar rreth kësaj tematike, ai ka shprehur mendimin e tij për filmin Godzilla King of the Monsters. Kojima zbuloi në Twitter se e ka parë filmin dhe se ka mbetur mjaft i kënaqur me të.
Nën regjinë e Michael Dougherty, Godzilla: King of the Monsters, sjell përpara ekranit Millie Bobby Brown, Vera Farmiga, Sally Hawkins, Kyle Chandler, O’Shea Jackson Jr., Ken Watanabe dhe Bradley Whitford. Historia e filmit ndjek përpjekiet e një agjensie kriptozoologjike të quajtur Monarch për të ndaluar përbindësha masivë, përfshirë këtu vetë Godzilla, i cili bashkohet me Mothre, Rodan dhe King Ghidorah. Kur këto specie antike që dikur mendoheshin si mite, rikthehen sërish, vetë ekzistenca e qënies njerëzore varet në fije të perit.
Pra çdo gjë që mund të presim nga një film me përbindësha. Gjithsesi nëse Hideo Kojima ka thënë që është film i mirë, unë do e shikoj. Ndiqini trailerin më poshtë.