Godfall, “RPG-ja slasher” nga Counterplay Games dhe Gearbox Publishing, do të arrijë në Epic Games Store më 12 Nëntor, që i bie vetëm 9 ditë nga koha e shkrimit të këtij artikulli. Pra, çka do të thotë është se kjo është koha perfekte për të kuptuar nëse kompjuteri juaj e ekzekuton dot atë apo jo?!
Drejtpërdrejt tek numrat pa u zgjatur shumë:
Kërkesat minimale:
- OS: Windows 10
- CPU: AMD Ryzen 5 1600 ose Intel Core i5-6600
- GPU: AMD Radeon RX 580 8GB ose Nvidia GeForce GTX 1060 6GB
- RAM: 12GB
Kërkesat e rekomanduara:
- OS: Windows 10
- CPU: AMD Ryzen 5 3600 ose Intel Core i7-8700
- GPU: AMD Radeon 5700 XT 8GB ose Nvidia GeForce GTX 1080Ti 11GB
- RAM: 16GB
Kërkesat nuk tregojnë se çfarë lloji performance synon çdo specifikim, por menaxheri i komunitetit të Counterpoint, ThanatosNoa tha në Reddit se sistemi “i rekomanduar” synon cilësime të larta grafike me 1080p dhe 60fps. Kjo çuditi disa njerëz, pasi disa kanë thënë në përgjigje se është një kërkesë e tmerrësisht e lartë për 1080/60.
Ndjekës të tjerë në thread kanë shprehur shqetësime të ngjashme, dhe natyrisht nuk i shpëtoi vëmendjes që të dy specifikimet janë dukshëm më të larta se rekomandimet përkatëse për Cyberpunk 2077. Traileri i mëposhtëm tregon se Godfall funksionon me 4K, por videoja është marrë nga një PS5.
Godfall në PC do të jetë i disponueshëm ekskluzivisht në Epic Games Store në fillim.