Ka shumë për tu shqetësuar në vitin 2020, dhe në mesin e atyre shqetësimeve, megjithëse ndoshta jo fiks krye të tyre, është mungesa e deathmatch në Doom Eternal. Por ka shpresë për ne: Goat of Duty, një ndeshje vdekjeprurëse FPS ku ju luani dhitë (kjo është arsyeja pse quhet “Goat of Duty” nëse nuk e kishit kuptuar deri tani), është falas për tu mbajtur për një kohë të kufizuar.
Merreni që tani deri në 1 prill, dhe ju mund ta mbani lojën Early Access përgjithmonë (është zakonisht diku tek 9 euro). Review-të e Steam janë “shumë pozitive”, dhe unë do të rrezikoja një supozim se serverët do të jenë mjaft të zënë për një kohë të paktën, tani që nuk kushton asgjë.
Goat of Duty filloi në Early Access korrikun e kaluar, dhe duket se ka një update të konsiderueshëm që po na afrohet. Fokusi është në një përvojë mjaft të vetëkuptueshme nga deathmatch (me dhi): “Pa gjepura: nuk ka nevojë të zotëroni një superlojë të ndërlikuar, të mësoni karaktere të ndryshme, të kombinoni aftësi, të luani ekipin strategjik… vetëm arenat luftarake djallëzore, armë të fuqishme dhe aksion i shpejt.” Dhe dhitë.