Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Si duket ka një probabilitet të lartë që do të vrisni një NPC
Historia e Death Stranding është strukturuar aq mirë, sa së fundmi është krahasuar me një serial të mirë të Netflix.
Në një intervistë, Presidenti i Sony Interactive Entertainment Worldwide Studios, Shuhei Yoshida, foli për historinë e Death Stranding, duke thënë se mund ta krahasojë me një serial të mirë të Netflix. Ai ka luajtur afërsisht gjysmën e lojës dhe ende mendon se çdo gjë mund të ndodhë nga momenti në moment.
Ai gjithashtu foli për gjysmën e dytë të lojës, duke thënë se shumë veta, përfshirë anëtarë të Kojima Productions, i kanë thënë se do e bëjë për të qarë. Sigurisht që diçka e tillë nuk na çudit, duke qenë se Hideo Kojima është mjeshtër në hartimin e historive, siç e kemi parë edhe më parë në lojërat e Metal Gear.
Para pak ditësh, vetë Hideo Kojima e bëri të qartë që Death Stranding do të ketë një histori shumë emocionale, duke folur për një NPC në lojë, që mund të vdesë si rezultat i veprimeve tuaja.
“Kemi një personazh të Death Stranding, që jeton nëntokë. Ai është i sëmurë dhe ka nevojë për ilaçe. Sam mund t’ja dërgojë këto ilaçe. Duke qenë se kjo gjë ndodh që ë fillim të historisë, është një quest që duhet bërë. Pas kësaj lojtari zgjedh vetë nëse do të vazhdojë të shkojë të plaku për ti çuar ilaçe, mund të dërgojë gjëra të tjera ose mund të dëgjoni historitë nga e shkuara.
Gjithsesi lojtari është vazhdimisht duke bërë progresin e tij me lojën dhe detyrimisht duke u distancuar nga personazhi. Jam i sigurtë që ka lojtarë që do të harrojnë për këtë NPC dhe më pas do të kujtohen që të kthehen. Duke qenë se gjatë gjithë kësaj kohe nuk i kanë dërguar ilaçe, në këtë pikë ai do të ketë vdekur.”
Death Stranding do të lançohet në 8 nëntor ekskluzivisht për PlayStation 4.
